Noli Me Tangere Buod ng mga Kabanata sa Noli Me Tangere

Buod ng Noli Me Tangere: Kabanata 25 – Sa Tahanan ng Pilosopo

Posted on May 23, 2011

Sinadya ni Ibarra si Pilosopo Tasyo sa kanyang tahanan upang humingi ng payo tungkol sa paaralan na nais niya ipasimulan. Nadatnan niya itong abalang-abala sa pagsusulat ng hieroglyphics sa wikang Tagalog. Napansin naman siya ng matanda at siya ay inanyayahan nito. Binanggit ni Pilosopo na ang kanyang mga sinusulat ay walang makakaunawa sa ngayon sapagkat ang mga susunod na henerasyon ang tanging makauunawa ng kanyang saloobin. Ayon sa kanya, ang mga susunod na salinlahi ay mga walang piring sa mata at gising sa nangyayari sa lipunan.

Nabanggit ni Ibarra na kahit siya ay dito ipinanganak at lumaki, ramdam niya na palagay ng mga tao na siya ay dayuhan lamang. Kung kaya't kailangan niya ang payo ng matanda sapagkat ito ay higit na kilala ng mga tao. Sumalungat naman si Pilosopo at iminungkahi na dapat niyang isangguni ang kanyang mga binabalak sa mga kinikilalang tao sa lipunan, katulad ng Kura. Magbigay man ng masasamang payo ang mga makapangyarihan sa bayan, maipapakita naman ni Ibarra na ang kanyang mga binabalak at ginagawa ay ayon sa pinagkasunduan ng mga makapangyarihang tao sa bayan. Mainam pa na pakunwari na lamang siyang sumunod kaysa maging kalaban pa niya ang mga iyon.

Hindi naman ito lubos na sinang-ayunan ni Ibarra sapagkat naniniwala siyang ang matuwid na layunin ay hindi na kailangang balutan ng baluktot na gawain. Buo ang paniniwala ni Ibarra na sasang-ayunan siya ng pamahalaan at ng mga tao sa bayan sapagkat ang kanyang ninanais ay ang kapakanan ng nakararami. Hindi siya makumbinsi ni Pilosopo Tasyo na ang kapangyarihan ng simbahan ay higit pa sa kakayahan ng pamahalaan. Lalo na ang pagsasabi niya dito na kung nais niyang matupad ang kanyang mga balakin ay marapat na yumuko muna siya sa mga may kapangyarihan kung ayaw niyang walang mangyari sa kanyang mga balakin.

Hindi matanggap ni Ibarra ang mga sinabi sa kanya ni Pilosopo Tasyo, sapagkat ang kanyang mga pananaw ay ideolohiyang liberal, na kanyang nakamulatan sa pag-aaral sa Europa. Ang mga ganitong prinsipyo ay hindi pa katanggap-tanggap sa simbahan na siyang nagmamay-ari ng lahat, pati ang buhay ng mga tao sa kanilang nasasakupan. Inihalimbawa ni Pilosopo Tasyo ang kalagayan ni Ibarra sa mga halaman: sa rosas na yumuyuko rin sa hangin kapag hitik na ito sa mga bulaklak at kung hindi ito ay mababali lamang; at sa puno ng makopa na kailangan pa niyang tukuran upang kumapit ang mga ugat nito sa lupa dahil kung hindi niya ito gagawin ay ibubuwal lamang ito ng hangin. Ganito rin si Ibarra sa kanyang pananaw. Isa siyang punong itatanim sa mabatong lupain na nagmula pa sa bayan ng Europa- kailangan niya ng makakapitan at masasandalan. Aniya, hindi kaduwagan ang pagyuko sa kapangyarihan, ang pagyuko at pag-iwas sa dumarating na punlo, mas mainam iyon kaysa salubungin ang mga bala ng baril at tuluyan ng hindi makabangon.

Naglaro sa isipan ni Ibarra na paano kung hindi lubos ang pagtulong ng simbahan sa kanyang mga balakin dahil na rin sa ang karunungan ay kaagaw ng simbahan sa pagpapayaman at kung may maiiwan ba siyang legacy sa kanyang mga binabalak para sa bayan. Binigyan naman siya ng inspirasyon ni Pilosopo Tasyo sa pagsasabi nito na hindi man siya magtagumpay ay may uusbong na pananim na siyang magpapatuloy ng kanyang mga nasimulan.

Nagpaalam na si Ibarra pagkapahayag nito kay Pilosopo Tasyo sa kanyang pakay sa kura.

Comments (31) Trackbacks (1)
  1. wla po bang mas maikling buod d2???

  2. kamsahamnida. this is a big help for me to understand this chapter :)
    mayroon po ba kayong talasalitaan sa kabanatang ito?

  3. Bakit po nawawala yung kabanatang “Si Elias at si Salome”?
    Kabanata 25 po yun ehh…

    • wala pong nakakaalam kung anong kabanata yan…..nakita nilang nakapilas ang papel o ang kabanatang iyan sa libro ni dr.jose rizal.kaya di rin nila alam kung bakit yan ay nakapilas..

  4. Ang haba nman ;) sakit na ng kamay ko kakasulat! 5 pa nq kabanata kailangan kong isulat ;(

  5. Wala po bang Chapter 27?

  6. WOW !!!! NICE AND THANKS
    NOW I HAVE A PROJECT .:D

  7. Mga gago, mag tagalog nga kayo nang maigi. Ampapangit ng mga display nang pagtatagalog ninyo. Ayun ba ang tinuro sainyong mga paaralan na turing ay maging isang Jejemon? Ipakita ninyo sa buong mundo ay ang wikang Filipino ay isang wika na pwedeng pang gamit rin ng pagrerespeto sa mga iba’t ibang tao sa buong mundo. At pwede ring maikalat ang wikang Filipino sa mga iba’t ibang dila ng mga Foreigners. Kaya I-buo naman ang wika natin. Pakitang gilas naman sa ating pambansang bayani na ayon si Jose Patracio Rizal Mercado y Alonzo.

  8. wlah lng.. hindi quh pha na babasa eh..

  9. may i copy the summary of noli me tangere?
    it’s just very important .. please :)

  10. this is good even if I cant understand cause Im a Korean
    :D DDD

  11. I research noli me tangere to study for our test

  12. i research about noli me tangere for our test

  13. ano ang mensahe ng kabanata 25?


Leave a comment