Noli Me Tangere Buod ng mga Kabanata sa Noli Me Tangere

Buod ng Noli Me Tangere Kabanata 40 Ang Karapatan at Lakas

Posted on August 2, 2011

Maikling buod ng Noli Me Tangere Kabanata 40. Paglalarawan sa nagtutunggaliang pwersa sa bayan noong panahon ni Jose Rizal. Ang mga karapatan ay nababalewala sa kapritso ng mga may kapangyarihan na walang iba kundi sa pangunguna ng mga prayle, at pumapangalawa naman ang mga gwardya sibil.

Buod.

Bandang ika-sampu ng gabi sinimulang sindihan ang mga kuwitis na hudyat ng pagsisimula ng dula. Pinangasiwaan ni Don Filipo ang gabi ng pista. Ng mga oras na iyon ay magkausap ang tinyente at si Pilosopo Tasyo tungkol sa pag-ayaw ng Don sa kanyang tungkulin. Masama ang loob ng tinyente na hindi tinanggap ng Kapitan ang kanyang pagbibitiw.

Nagsidatingan na ang mga malalaking tao sa bayan kung kaya't nagsimula na ang palabas na pinangunahan nina Chananay at Marianito ng ‘Crispino dela Comare’. Lahat ay nakatuon ang pansin sa dula samantalang si Padre Salvi ay lantaran ang pagkakatitig kay Maria Clara. Sinisimulan na ang ikalawang bahagi ng dula nang dumating si Ibarra. Nakatawag pansin ito sa mga pari at hiniling kay Don Filipo na paalisin si Ibarra. Tinutulan naman ito ni Don Filipo sapagkat malaki ang abuloy ni Ibarra at higit siyang takot na suwayin ang utos ng Kapitan Heneral kaysa sa utos nila. Sa inis ay umalis ang mga pari sa kalagitnaan ng dula.

Ilang saglit pa ay nagpaalam na rin si Ibarra sa mga kadalagahan lalo na kay Maria Clara upang paroonann ang nalimutang tipanan. Nangako siya na babalik bago matapos ang dula.

Sa kalagitnaan ng dula ay may lumapit na dalawang gwardya sibil kay Don Filipo at iniuutos na itigil ang dula dahil nabubulahaw sa pagtulog sina Donya Consolacion at alperes. Hindi ito mapagbigyan ni Don Filipo kung kaya't nagkaroon ng gulo. Nang pagtangkaang patigilin ang mga musikero, hinuli ng mga kuwadrilyero sa tribunal ang dalawang gwardiya sibil. Nagkataon na nakabalik na rin si Ibarra sa mga sandaling iyon at hinanap kaagad si Maria. Kumapit naman kaagad ang sindak na dalaga sa mga bisig ni Ibarra habang si Tiya Isabel ay naglitanya ng panalangin. Sa galit ng mga kalalakihan doon ay pinagbabato nila ang mga gwardya sibil na huminahon lamang sa pakiusap ni Elias, na inabisuhan naman ni Ibarra sapagkat wala silang magagawa ni Don Filipo sa bagay na iyon.

Ang pangyayari ay hindi nakaligtas sa pagmamanman ni Padre Salvi at ibinalita rin ito ng kanyang tauhan. Sa kanyang pangitain ay nawalan ng malay tao si Maria at si Ibarra ang kumarga sa dalaga. Sa ganoong pangitain ay nagmistula itong baliw at nagtatakbo papunta sa bahay ni Kapitan Tyago upang makasiguro na hindi totoo ang kanyang takot. Nakahinga lamang siya ng maluwag nang makita niya ang anino nina Maria Clara at Tiya Isabel mula sa labas ng bahay ng Kapitan. Umuwi na ito ng masigurong hindi kasama ng dalaga si Ibarra.

------------------------------
Para sa iba pang maikling buod ng Noli Me Tangere:

Sinundang kabanata:
Maikling buod ng Noli Me Tangere Kabanata 29

Comments (14) Trackbacks (0)
  1. ano po ang gustong ipahayag ni jose rizal sa kabanata 40?

  2. ano po ang gustong ipahayag ni jose rizal sa kabanatang ito ?

    • ‘ na ano po, na nababalewala ang karapatan at lakas ng bayan sa utos ng mga makapangyarihan -ang mga prayle at mga tao ng simbahan. Na kung tutuusin naman ay mas makapangyarihan pa ang pamahalaan kesa sa simbahan pero mas marami ang natatakot sa simbahan (na obvious naman sa paghahari-harian ni padre Damaso at pagpapaikot nya sa ulo ng mga tao) kaya naging bisig lang ang ppamahalaan at ulo naman ang simbahan! #Anggulo :D

  3. thanks sa buod

  4. bakit ang haba ng sa noli me tangere buod diba dapat maliit lang ang pagkakasulat

  5. salamat malaking tulong sa ntbk ko sa noli! :)

  6. i really enjoyed reading that kind of novel.i mean,compare to other novels that i have read,i think ..ETO BIGATIN


Leave a comment

No trackbacks yet.